ახალი ამბები
რა უნდა გაითვალისწინოთ წინასაგამოცდოდ - naec.ge რჩევებს აქვეყნებს
გამოცდების ეროვნულმა ცენტრმა საკუთარ ვებ გვერდზე აბიტურიენტებს მოუწოდა, რომ გამოცდაზე ბარათზე მითითებულ დროსა და ადგილას გამოცხადდნენ და თან იქონიონ პირადობის დამადასტურებელი დოკუმენტი და საგამოცდო ბარათი.

Naec - ის მიერ გამოქვეყნებული რეკომენდაციები შემდეგნაირია:

საგამოცდო ცენტრში შესვლისთანავე ჩააბარეთ ტელეფონი და ყველა ზედმეტი ნივთი;

ტესტზე მუშაობის დაწყება შეგიძლიათ მხოლოდ მას შემდეგ, რაც დაიწყება საგამოცდო დროის ათვლა;

არ დააწყოთ სამუშაო მაგიდაზე ზედმეტი ნივთები. წყალი პლასტმასის ბოთლით შეგიძლიათ დადგათ იატაკზე;

გაითვალისწინეთ, რომ სწორდება მხოლოდ პასუხების ფურცელი. არ შეიძლება მისი გადაკეცვა ან დაზიანება;

შავი სამუშაოსათვის განკუთვნილი ფურცლები რჩება ცენტრში. ის პასუხების ფურცელთან ერთად უნდა ჩააბაროთ მეთვალყურეს მუშაობის დასრულებისას.

შეგახსენებთ, 2024 წლის საგამოცდო პროცესი ხვალიდან, 3 ივლისიდან დაიწყება და 26 ივლისს, ფიზიკის გამოცდით დასრულდება.

ხვალ, 3 ივლისს ელექტრონულად დარეგისტრირებული 47 000-ზე მეტი აბიტურიენტი პირველ გამოცდას ქართულ ენასა და ლიტერატურაში ჩააბარებს.

სამეგრელოს მასშტაბით, საგამოცდო ცენტრები ზუგდიდსა და ფოთში განთავსდება.
Print