დღეიდან, 3 ივლისიდან შინაგან საქმეთა მინისტრის ბრძანებით ამოქმედებული ცვლილებების თანახმად, ავტომობილის მესაკუთრეებს უფლება მიეცათ, შსს-ს თანხმობის გარეშე, წინა გვერდითა მინები დაამუქონ 60%-მდე. ამის შესახებ ინფორმაცია სამინისტრომ საკუთარ ვებ გვერდზე გამოაქვეყნა.

მათი განმარტებით, დღემდე, წინა გვერდითა მინების დამუქებაზე 40%-იანი შეზღუდვა მოქმედებდა.

რაც შეეხება მძღოლის უკან მსხდომი მგზავრების მხარეს განთავსებულ გვერდითა მინებს, სამინისტროში განმარტავენ, რომ მათზე კვლავ 75%-იანი შეზღუდვა მოქმედებს.