ზუგდიდის ინფექციურში კორონავირუსზე ოთხი პაციენტის პასუხს ელოდებიან
11:11 / 27.03.2020
ზუგდიდის ინფექციურ საავადმყოფოში გუშინ მოთავსებული პაციენტების მდგომარეობა დამაკმაყოფილებელია. საავადმყოფოს ექიმ-ინფექციონისტის ლალი დარახველიძის
ინფორმაციით, მათი ბიოლოგიური მასალა ლუგარის ლაბორატორიაშია გაგზავნილი და პასუხს დღეს ელოდებიან.
,,პაციენტების მდგომარეობა დამაკმაყოფილებელია. რაც შეეხება სხვა პაციენტების მკურნალობას, გაიდლაინების შესაბამისად მიმდინარეობს და მდგომარეობა მართვადია’’, -თქვა დარახველიძემ.
ინფექციურში ახალი კორონავირუსისთვის დამახასიათებელი სიმპტომებით ოთხი პირი გუშინ მოათავსეს, მათ შორის, ერთი არასრულწლოვანია. მათ თურქეთში მოგზაურობის ისტორია აქვთ.
მასალის გამოყენების პირობები