აღმოსავლეთ საქართველოში ხვალიდან ტემპერატურის მკვეთრი ვარდნაა მოსალოდნელი. გარემოს ეროვნული სააგენტოს მონიტორინგისა და პროგნოზირების ცენტრის დირექტორი სვეტლანა ნიორაძე რადიო „ათინათს“ უცხადებს, რომ დასავლეთ საქართველოში ხვალ ქარია მოსალოდნელი, აღმოსავლეთში კი ჰაერის ტემპერატურა მკვეთრად დაიკლებს და ზოგან ნალექი იქნება.

აღმოსავლეთ საქართველოში ღამით -2-3 გრადუსი იქნება, დღისით 2-7 გრადუსი. დასავლეთ საქართველოში კი ღამით ზოგან წვიმაა მოსალოდნელი, იქროლებს აღმოსავლეთის ძლიერი ქარი, ტემპერატურა დღისით +12-+17 გრადუსი იქნება.