ყოვლადწმინდა სამების საკათედრო ტაძარი მრევლისთვის მოსალოცად დროებით დაიკეტა. ამის შესახებ სამების ლავრის არქიმანდრიტი იოანე მჭედლიშვილი აცხადებს.

მისივე თქმით, სამების ლავრის ბერებისათვის მონასტრის ტიპიკონიდან გამომდინარე, მსახურება რომ არ შეჩერდეს, წირვა-ლოცვა სამების ლავრის ოთხ მცირე ტაძარში ჩატარდება.

მისივე  თქმით, აღნიშნულის გამო სავარაუდოდ შაბათ-კვირას სრულიად საქართველოს კათოლიკოს-პატრიარქი უწმინდეს და უნეტარესი, ილია II საღმრთო ლიტურგიას სიონში აღავლენს.

გუშინ სამების ლავრაში არსებულ სტამბის საწყობში ხანძრი გაჩნდა. ცეცხლის შედეგად დაახლოებით 1 200 კვადრატული მეტრი ფართობი დაიწვა.