დევნილები, რომლებმაც  რეგისტრაცის გავლა ვერ მოასწრეს თბილისში, ოკუპირებული ტერიტორიებიდან იძულებით გადაადგილებულ პირთა, განსახლების და ლტოლვილთა სამინისტროს უნდა მიმართონ. ამის შესახებ რადიო „ათინათს“ ლტოლვილთა და განსახლების სამინისტროს აჭარისა და სამეგრელო-ზემო სვანეთის ტერიტორიული ორგანოს ხელმძღვანელმა ირაკლი ქოჩუამ განუცხადა. მისვე განმარტებით, ამ დრომდე სამინისტროში 1000 მდე განაცხადია შესული, მათ შორის 300-მდე სამეგრელოს რეგინიდან. „მათ ინდივიდუალურად დაიბარებენ სამინისტროში სპეციალურად შექმნილ კომისიაზე. მათი დაბარება უკვე დაწყებულია“, - ამბობს ირაკლი ქოჩუა. რეგისტრაცია გავლილი დევნილებისთვის, ლიბერთი ბანკის ფილიალებში, ახალი მოწმობების გაცემა უკვე დაწყებულია და პროცესი 1 მარტამდე გაგრძელდება. თუმცა როგორც განსახლების სამინისტროს სამეგრელოს ტერიტორიულ ორგანოში აცხადებენ, საჭიროების შემთხვევაში ახალი მოწმობების გაცემის პროცესი შესაშლებელია მარტის შუა რიცხვებამდე გაგრძელდეს.