საქართველოში ერთი კვირის განმავლობაში წვიმიანი და ცვალებადი ამინდი იქნება. გარემოს ეროვნული სააგენტოს მონიტორინგისა და პროგნოზირების ცენტრის ცნობით, დღეს მთელი ქვეყნის ტერიტორიაზე იწვიმებს. მაღალმთაში ღამით მოთოვს; კერძოდ, მესტიაში, გუდაურში, ახალქალაქში, წალკასა და ბაკურიანში. 14 მარტამდე, წვიმიანი ამინდი შენარჩუნდება დასავლეთ საქართველოში. ჰაერის საშუალო ტემპერატურა ღამით 2-7 გრადუსი იქნება; დღისით კი 5-10 გრადუსი. აღმოსავლეთ საქართველოში ღამით 1-6, ხოლო დღისით 8-13 გრადუსი იქნება. აღმოსავლეთ საქართველოში დღეს დღის ბოლოს ქარია მოსალოდნელი, მათ შორის თბილისში. წვიმიანი და ქარიანი ამინდი აღმოსავლეთ საქართველოშიც 14 მარტამდე შენარჩუნდება. თბილისში ხვალ ქარი შედარებით გაძლიერდება და 20-25 მეტრი წამშიც იქნება. 14 მარტიდან 17 მარტამდე საქართველოში გამოიდარებს. დასავლეთ საქართველოში ჰაერის ტემპერატურა 20-22 გრადუსამდეც აიწევს. აღმოსავლეთ საქართველოში კი 15 გრადუსამდე იქნება. 17 მარტის შემდეგ ქვეყნის მთელ ტერიტორიაზე ამინდი ისევ შეიცვლება და იწვიმებს.