დღეს, ზუგდიდის დემოკრატიული ჩართულობის ცენტრში   ზუგდიდის მერობის კანდიდატები დევნილებს შეხვდნენ და მათ საარჩევნო პროგრამები  გააცნეს.  შეხვედრა, რომლის  ძირითადი მიზანი იყო დევნილების პოლიტიკური უნარ-ჩვევების ამაღლება და მათი ინფორმირებულობა , დევნილთა ქსელის  "სინერგია" და ორგანიზაციის „სამეგრელო - მედეა“ინიციატივით გაიმართა. დევნილებმა მერობის კანდიდატებს მათთვის საინტერესო კითხვები დაუსვეს, რომელებიც, ძირითადად, საცხოვრებელი პირობების გაუმჯობესებისა და განსახლების პროცესს ეხებოდა. შეხვედრა  პროექტის „ დევნილთა გაძლიერება თანამშრომლობითა და ინფორმირებულობის გზით“ ფარგლებში ჩატარდა, რომელსაც ბრიტანეთის საელჩო აფინანსებს.