3 ივნისს,სამაშველო ოპერაცია  ჩატარდა მარტვილის რაიონის სოფელ გაჭედილში.  მდინარე აბაშის ადიდების გამო, კანიონში 17 მოსწავლე იყო ჩარჩენილი.

ბავშვები, მარტვილში ექსკურსიაზე რუსთავის ერთ-ერთი სკოლიდან იყვნენ.როგორც თვითმხილველები ყვებიან, მოსწავლეები კანიონს ათვალიერებდნენ, როდესაც მოულოდნელად მდინარე ადიდდა. სამაშველო ოპერაციას სამეგრელო-ზემო სვანეთის საგანგებო სიტუაციების სამსახური ატარებდა.

სამეგრელო-ზემო სვანეთის გუბერნატორის მოადგილე კობა ქანთარიას ინფორმაციით, ყველა მოსწავლე კანიონიდან გამოყვანილია და მათ სიცოცხლეს საფრთხე არ ემუქრება.