კიევი ჰააგის სასამართლოს მიმართავს
13:20 / 26.01.2015
უკრაინის ეროვნული უშიშროებისა და თავდაცვის საბჭომ მთავრობას დაავალა მოამზადოს ჰააგის სისხლის სამართლის საერთაშორისო სასამართლოსთვის მიმართვის პროცედურა. კიევს სურს, რომ ჰააგის სასამართლომ გამოიძიოს 2014-2015 წლებში უკრაინის მოსახლეობის წინააღმდეგ ჩადენილი დანაშაული, როგორც კაცობრიობის წინააღმდეგ ჩადენილი დანაშაული.
ეროვნული უშიშროებისა და თავდაცვის საბჭოს სხდომა კიევში მარიუპოლის დაბომბვიდან მეორე დღეს გაიმართა. სარაკეტო იერიშებს მარიუპოლში ემსხვერპლა 30 ადამიანი, ასამდე კი დაიჭრა.
მასალის გამოყენების პირობები