რუსეთის საგარეო საქმეთა მინისტრის სერგეი ლავროვის მტკიცებით, ექსტრემისტული გაერთიანება "ისლამური სახელმწიფო" პანკისის ხეობას თავშესაფრად იყენებს.

ამის შესახებ მინისტრმა მედიის წარმომადგენლებთან ყოველწლიურ შეხვედრაზე განაცხადა.

ლავროვმა პრესკონფერენციაზე აღნიშნა, რომ რუსეთის საჰაერო-კოსმოსურმა ძალებმა სირიის ხელმძღვანელობის მოწოდების შემდეგ სირიაში სიტუაციის გარდატეხა და ტერორისტების მიერ კონტროლირებადი სივრცის შევიწროება შეძლეს.

ცნობილია, რომ სირიაში "ისლამური სახელმწიფოს" პოზიციებს დასავლური კოალიციის და აშშ-ის გარდა რუსეთის ავიაციაც ბომბავს.