Error
საზოგადოება
უფლებადამცველები მოსკოვში USAID -ის სააგენტოს დახურვას ეხმაურებიან
რუსეთში აშშ-ის საერთაშორისო განვითარების სააგენტო USAID - ის დახურვას უფლებადამცველები საგანგაშოდ მიიჩნევენ. ბევრი მათგანი შიშობს, რომ ამას მოჰყვება რუსეთში მოქმედი სხვა უცხოური არაკომერციული ორგანიზაციების დახურვაც. ხმები რუსეთის ტერიტორიაზე USAID- ის მოღვაწეობის შეწყვეტის  შესახებ ჯერ კიდევ აგვისტოში გავრცელდა, თუმცა ოფიციალურად ამერიკულმა მხარემ ეს მხოლოდ სამშაბათს დაადასტურა. აშშ-ის ხელისუფლების წარმომადგენლების ინფორმაციით, მოსკოვმა  სააგნეტო რუსეთში მოღვაწეობის დასასრულებლად 1 ოქტომბრამდე მისცა ვადა. როგორც აშშ სახელწიფო დეპარტამენტის განცხადებაშია ნათქვამი, რომ არა რუსეთის ხელისუფლების მოთხოვნა, სააგენტო კვლავ განაგრძობდა მუშაობას. თუმცა, როგო პრეს-მდივანმა ვიქტორია ნუალანდმა აღნიშნა, "არის გაგება იმისა, რომ კრემლი უკვე ვეღარ ხედავს სააგენტოს მუშაობის აუცილებლობას". მოძრაობა „ადამიანის უფლებებისათვის“ ("За права человека" ) ხელმძღვანელს, ლევ პონომარიოვს აღელვებს რუსეთში მოღვაწე სხვა უცხოური ფონდების ბედი, რომლებიც რუსეთიდან ასევე შეიძლება „განიდევნონ" . "ეს იმას ნიშნავს, რომ უფლებადმცველები ვერ შეასრულებენ თავის ფუნქციებს, ათასობით იმ მოქალაქესთან მიმართებაში , რომლეთა უფლებებიც იღღვევა“- აღნიშნავს პონომარიოვი. უფლებადმცველი ასოციაცია „ გოლოსი“- ის ხელმძღვანელი იულია შიბანოვა თვლის, რომ USAID- მა ძალიან ბევრი გააკეთა რუსეთის საზოგადოებრიობის, უფლებადამცველი სექტორის და თავისუფალი ჟურნალისტიკის მხარდასაჭერად.
Print