სასწრაფო დახმარების გამოძახების წესი იცვლება. როგორც ჯანდაცვის მინისტრმა დავით სერგეენკომ განაცხადა, სასწრაფო დახმარების სამსახურის ეფექტურ მუშაობას ორი ტიპის მიზეზები უშლიდა ხელს. "ერთი იყო ტექნიკური – საავტომობილო პარკის პრობლემა, რომელიც გვარდება, კონტრაქტი გაფორმებულია და წლის ბოლომდე ავტოპარკი მთელი საქართველოს მასშტაბით განახლდება, მეორე კი – პრეჰოსპიტალურ ეტაპზე გადაწყვეტილების მიღების პრინციპები და მეთოდები. ეს მეთოდოლოგიაც დავამუშავეთ და ვფიქრობთ, რომ მალე შემოვიტანთ. ეს გამოიხატება იმაში, რომ აქცენტი გაკეთდება გეოგრაფიულ და არა ადმინისტრაციულ მიწვდომადობაზე და პაციენტის რეალურ მდგომარეობაზე",-განაცხადა სერგეენკომ. მისივე თქმით, რეგულაცია მას შემდეგ შევა ძალაში, რაც კონსულტაციები დასრულდება.