სამეგრელო ზემო–სვანეთს ამერიკის შეერთებული შტატების ელჩის მოვალეობის შემსრულებელი საქართველოში ბრიჯიტ ბრინკი ესტუმრა. მან რადიო "ათინათს“ და ინტერნეტგამოცემა “ლაივპრესს“ ვიზიტის მიზანზე ესაუბრა. „ვიმყოფები ამერიკის შეერთებული შტატების დელეგაციის  მიწვევით, რათა სვანეთში ავღნიშნოთ ამერიკა–საქართველოს ურთიერთობის 20 წლისთავი, საკამოდ დატვირთული პროგრამა გვაქვს, მიხარია, რომ სამეგრელოში წარმატებით ხორციელდება აღმოსავლეთ–დასავლეთ გაზსადენის მშენებლობა, რითაც 20 ათასი პოტენციური მომხმარებელი ზამთარს თბილად შეხვდება. მე დღეს იქ მიმდინარე სამუშაოები დავათვალიერე, კმაყოფილი ვარ“. ამერიკის შეერთებული შტატები კვლავ რჩება საქართველოს სტრატეგიულ პარტნიორად, რათა გაძლიერდეს საქართველოში დემოკრატიული ინსტიტუტები, თავისუფალი მედია. ამერიკა დაეხმარება საქართველოს განათლების, ჯანდაცვის  პროექტების განხორციელებაში.“ მესტიაში გამგზავრებამდე ბრიჯიტ ბრინკმა სენაკი აბაშის გაზსადენზე მიმდინარე სამუშაოები დაათვალიერა. ელჩის მოვალეობის შემსრულებელმა აღნიშნა, რომ მთავარია საქართველოში თანაბარ კონკურენტულ გარემოში ჩატარდეს არჩევნები და არჩევნებში დარეგისტრირებულ პოლიტიკურ სუბიექტებს მიეცეთ თანაბარი საეთერო დრო. „ჩვენ მხარს ვუჭერთ საქართველოს სწრაფვას ჩრდილო ატლანტიკურ ალიანსში გაწევრიანების მხრივ, ქვეყანა უკვე გახლავთ ალიანსის ასპირანტი წევრი, ამერიკა აფასებს იმ გარემოებებს, რომ საქართველო აქტიურადაა ჩართული ISAF-ის პროგრამაში.“ „ამერიკის შეერთებული შტატების ახლადდანიშნული ელჩი რიჩარდ ნორლანდის დანიშვნით აღებული კურსი არ შეიცვლება, ჩვენ გვაქვს საერთო ღირებულებები და ის კურსი, რაც ამერიკას ჰქონდა აღებული 20 წლის წინ გაგარძელდება“–დასძინა ბრიჯიტ ბრინკმა. ვიზიტის ბოლოს სვანეთში დაგეგმილია სხვა ღონისძიებებიც, მათ შორის, მესტიის დათვალიერება, უშგულში გასეირნება, ქართული ტრადიციული სამზარეულოს დაგემოვნება და კულტურული საღამოები. http://youtu.be/PJbmQyCQGZQ