ალექსანდრე ანქვაბმა ნიდერლანდების ელჩი სომხეთსა და საქართველოში პიტერ იან ლანგერბერგი მიიღო ,- წერს სააგენტო „აფსნიპრესი“. "მე მაინტერესებს საკითხები და აფხაზეთის სხვადასხვა პროგრამებში  ჩართულობის მექანიზმები ",- თქვა ელჩმა შეხვედრაზე. ალექსნადრე ანქვაბმა აღნიშნა, რომ ბოლო დროს აფხაზეთთან მიმართებაში დასავლური ქვეყნებისგან სულ უფრო ხშირად ისმის სიტყვები „ჩართულობა“ და „ნეიტრალური“, რაც მისი აზრით, ნეგატიურ ხასიათს ატარებს. სოხუმის ლიდერი თვლის, რომ ლოზუნგი „ ჩართულობა აღიარების გარეშე “, არაფერს ნიშნავს,- წერს „აფსნიპრესი“. შეხვედრაზე ანქვაბმა განაცხადა, რომ თვითაღიარებული აფხაზეთის აღიაერბის პროცესი არც თუ სახარბიელო ტემპებით, მაგრამ მაინც წინ მიიწევს.  "რაც არ უნდა საწყენი იყოს ევროკავშირისთვის, ჩვენთვის მთავარია , რომ რუსეთმა გვაღიარა“ , - თქვა ალექსანდრე ანქვაბმა პიტერ იან ლანგერბერგთან საუბრისას.