მეგრული ენის  განვითარების გზებზე ზუგდიდის რეგიონალურ შემოქმედთა გაერთიანება : „აია“-ს წევრებმა იმსჯელეს. შეხვედრა ზუგდიდის დემოკრატიული ჩართულობის ცენტრში გაიმართა. შეხვედრაზე ზუგდიდის მაჟორიტარი დეპუტატობის კანდიდატები იყვნენ მოწვეულნი, მაგრამ არც ერთი მათგანი არ გამოჩენილა. როგორც რადიო „ათინათთან“ საუბრისას ზუგდიდის რეგიონალურ შემოქმედთა გართიანება : „აია“-ს ხელმძღვანელმა ედემ იზორიამ აღნიშნა, კანდიდატები ბაგრატის ტაძრის გახსნასთან დაკავშირებით გუშინ ქუთაისში გაემგზავრნენ და ქალაქში დღემდე არ იმყოფებიან. შემოქმედთა გაერთიანებამ შეხვედრის დასაწყისში დამსწრე საზოგადოებას მეგრული სიმღერა შეუსრულა. გაერთიანების ხელმძღვანელმა აღნიშნა, რომ საქართველოში მეგრული ენის მიმართ საზოგადოება ნიჰილისტურად არის განწყობილი და მას, როგორც ეროვნულ საგანძურს არ აღიქვამენ. „საქართველოში ანტიმეგრული განწყობა და საქმიანობაა შეიმჩნევა. იმისთვის რომ ენა განვითარდეს და არ მოკვდეს აუცილებელია ყველამ გაითავისოს რომ მეგრული, ლაზური, სვანური და ქართული ერთი ძირის მქონე ენებია. მეგრული ენა არასდროს არ იქნება ბარიერი ქართველი ხალხის ერთიანობისთვის“. შეხვედრის ერთ-ერთმა მონაწილემ კონსტანტინე შეროზიამ საქართველოში არსებულ „დაბალი განათლების დონეზე და მცდარ სისტემაზე“ ისაუბრა. „საქართველოში“უნდა შეიქმნას სამართლიანი გარემო და განათლების სისტემა“ - განაცხადა მან.