ზუგდიდის იუსტიციის სახლში მერიასა და საკრებულოში დასაქმების მსურველთა ტესტირება მიმდინარეობს. საჯარო მოხელეთა კონკურსის მეორე  ტესტირების ეტაპი დღეს დაიწყო და 12 დეკემბერს დასრულდება. საკონკურსო-საატესტაციო კომისიის წევრის კახაბერ ფარცვანიას თქმით, ტესტირება მშვიდ ვითარებაში მიმდინარეობს. "ტესტირების ეტაპს სულ 374 კონკურსატი გაივლის. გასაუბრების თარიღი კი, ტესტირების შედეგების შეჯამების შემდეგ გახდება ცნობილი" - თქვა კახაბერ ფარცვანიამ. ქალაქ ზუგდიდის მერიასა და საკრებულოში დასაქმების მსურველთა 1 449 განაცხადი იყო შესული. აქედან,  მეორე ტურზე 374 გადავიდა.