ფოთში გაფორმების ეკონომიკურ ზონამდე მისასვლელ გზაზე, საპროტესტო აქცია გაიმართა.  ის ყოფილი სასწავლო ცენტრის შენობაში მცხოვრებმა სოციალურად დაუცველმა პირებმა მოაწყვეს.   აქციის მონაწილეები ელექტროენერგიის მიწოდებას ითხოვენ და ამტკიცებენ,  რომ 3 თვეზე მეტია  გაუსაძლის პირობებში იმყოფებიან.  "სიცივეში ვართ, გვიჭირს აქ გაჩერება, ჯანმრთელობის მდგომარეობა შეგვერყა, ბავშვები გვყავს, ელემენტარული პირობები არ გვაქვს. გვატყუებენ- დაგეხმარებითო. ეკონომიკის სამინისტროდან მოვიდა უარყოფითი პასუხი, შუქი არ ჩაგერთვებათო. გზაზე ხომ უნდა დაგვაყენონ, გადავიხდით ფულს, ჩვენც ხომ ადამიანები ვართ", - ამბობენ აქციის მონაწილეები. ფოთის მერიაში აცხადებენ, რომ ობიექტი ეკონომიკის სამინისტროს ბალანსზეა და შუქის ჩასართავად სწორედ მათი თანხმობაა საჭირო, რაზეც მოლაპარაკებები მიმდინარეობს. 2 საათიანი აქცია-პიკეტი სამართალდამცველების ჩარევის შემდეგ შეწყდა.