ზუგდიდის რაიონ სოფ ახალსოფელში, 15 თებერვალს დაახლოებით 19:00 საათზე, საქონლის დასაბინავებლად გასულმა რინელ ჯაბუამ მის სახლთან ახლოს მოკლული ახალგაზრდა მამაკაცის,  აფხაზეთიდან დევნილი გ.ქ.-ს  გვამი იპოვა. მკვლელობის მოტივი  უცნობია.  ადგილზე ამ დრომდე ექსპერტ-კრიმინალისტები მუშაობენ.  გავრცელებული ინფორმაციით, მკვლელი გალის რაიონიდან იყო და შესაძლოა თავს  ოკუპირებულ ტერიტორიას აფარებდეს. ახალგაზრდა მამაკაცის ცხედარი  ექსპერტიზისთვის პროზექტურაში გადაასვენეს.