სამეგრელო-ზემო სვანეთის რეგიონში ხვნის პროცესი აბაშიდან დაიწყო. „მცირემიწიან ფერმერთა 2015 წლის საგაზაფხულო სამუშაოების ხელშეწყობის“ პროგრამის ფარგლებში პირველი ხნული აბაშის მუნიციპალიტეტის სოფელ კეთილარის სახნავ-სათეს ფართობებში გაივლო. სადაც შ.პ.ს. „მექანიზატორის“ 8 ტრაქტორმა მუშაობა ერთდროულად დაიწყო. მცირემიწიან ფერმერთა ხელშეწყობის პროგრამის ფარგლებში,წინასწარ შედგენილი გრაფიკის მიხედვით, აბაშის მუნიციპალიტეტში უნდა დამუშავდეს 5000 ჰექტრამდე ფართობი.  „მექანიზატორის“ წარმომადგენლები აღნიშნავენ,რომ  ტექნიკა გამართულია და შეფერხებები ხვნის პროცესში,გარდა ბუნებრივი პირობებისა,გამორიცხულია. საგაზაფხულო სამუშაოების დაწყებას აბაშის მუნიციპალიტეტის გამგებელი მამუკა კვიტაშვილი და შ.პ.ს. "მექანიზატორის" დირექტორი იგორ ტყებუჩავა დაესწრნენ.