რუბრიკები
ძლიერმა ქარმა ჩხოროწყუში 40 ნაგებობა დააზიანა (ვიდეო)
12:56 / 30.03.2015
ძლიერმა ქარმა მნიშვნელოვანი ზარალი მიაყენა ჩხოროწყუს მუნიციპალიტეტის 6 სოფელს (ქვედა ჩხოროწყუ, ლესიჭინე, ახუთი, ნაკიანი, კირცხი, ზუმი). პირველადი მონაცემებით, ქარმა 40 საცხოვრებელი სახლი და ადმინტრაციული შენობა დააზიანა, ნაწილს სახურავი მთლიანად ახდილი აქვს, ნაწილს კი ნაწილობრივ. ინფორმაციას ამის შესახებ ჩხორწყუს გამგეობა ავრცელებს.
მათივე ცნობით, დაზიანებულია დაბალი ძაბვის ელექტროგადამცემი ხაზები, სოფელ ლესიჭინესა და ქვედა ჩხოროწყუში საავტომობილო სავალ გზაზე წაქცეულია ხეები, ამ ეტაპზე მიმდინარეობს გზის სავალი ნაწილის გაწმენდით სამუშაოები.
სტიქიის შედეგად მიყენებული ზარალის ზუსტი ოდენობა ამ წუთებში დგინდება. კომისიის მიერ ზარალის დადგენის შემდეგ მონაცემებს ჩხოროწყუს მუნიციპალიტეტი სამეგრელო-ზემო სვანეთის სამხარეო ადმინისტრაციასა და ინფრასტრუქტურის სამინისტროში გააგზავნის.
მასალის გამოყენების პირობები