ბრიტანელმა კონდიტერებმა ბენედიქტ კამბერბეტჩის თაყვანისმცემლების გახარება გადაწყვიტეს და მათთვის მსახიობის შოკოლადის სკულპტურა შექმნეს. ქანდაკება 1 მეტრი და 80 სანტიმეტრის სიმაღლისაა და 40 კილოგრამს იწონის. ინგლისში აღდგომის წინ შოკოლადის ფესტივალი იმართება, სადაც წარმოდგენილია სხვადასხვა თემატიკის ტკბილი სკულპტურები. ამ დღეებში მსახიობის შოკოლადის ქანდაკებას ინგლისის ერთ-ერთ გასართობ სავაჭრო ცენტრში გამოფენენ.