ახალმა Jaguar F-Pace-მა ფრანკფურტის ავტოშოუზე რეკორდი დაამყარა. 

ეს ყველაფერი ”იაგუარის” ახალი და რეალურად პირველი SUV-ით, ან, როგორც თავად ბრიტანელები უწოდებენ, Performance-ქროსოვერით მოხერხდა. ავტომობილმა 19 მეტრი სიმაღლის სპეციალურ მრგვალ კონსტრუქციაში იფრინა, რომელიუც ყველაზე მაღალი მრგვალი კონსტრუქციაა, რომელშიც ავტომობილს ოდესმე უვლია. ამის შემდეგ ავტომობილი გინესის რეკორდების წიგნშიც მოხვდა. ”იაგუარის” საჭესთან პროფესიონალი კასკადიორი ტერი გრანტი იჯდა. ამ წარმოდგენით ”იაგუარს” თავისი პირველი SUV-ის შესაძლებლობების დამტკიცება სურდა - ბრიტანელები F-Pace-ს ხომ ”პირველ სპორტულ საოჯახო ავტომობილად” მოიხსენიებენ. მანქანა ძირითადად ალუმინისგანაა შექმნილი და სავალი ნაწილის დეტალები და უსაფრთხოების სისტემები F-Type-ისგან მიიღო. წარმოდგენაზე ექსპერტების უდიდესმა ჯგუფმა იმუშავა და როგორც, ვიდეოების ნახვის შემდეგაც დარწმუნდებით, მათ ყველაფერი 100-პროცენტიანი სიზუსტით გათვალეს. კონკრეტულად ეს მოდელი 180-ცხენისძალიანი დიზელის ძრავითაა აღჭურვილი და F-Pace-ის სამოდელო რიგში რეალურად ყველაზე მსუბუქი და ეფექტიანი ვერსიაა. Jaguar F-Pace პირველ რიგში Audi Q5-ის, BMW X3-ისა და Porsche Macan-ის კონკურენტი იქნება. თავდაპირველად მხოლოდ 2000 ეგზემპლარზე ლიმიტირებლი ვერსიის, First Edition-ის შეკვეთაა შესაძლებელი.