ინგრედიენტები: • 500 გ. ფქვილი. • 100 გ. შაქარი. • ½ ჩ.კ. მარილი. • 1 ჩ.კ. საფუარი. • 200 გ. კარაქი. • 6 ც. კვერცხი. • 100 მლ. რძე. • 1 ც. კვერცხის გული. მომზადების წესი: ✔ საფუარი და შაქარი გახსენით თბილ რძეში. მარილი აურიეთ ფქვილში. შაქარი და საფუარი დაუმატეთ ოდნავ ათქვეფილ კვერცხს. გააგრძელეთ თქვეფვა და ნელ-ნელა დაუმატეთ ფქვილი. ზილეთ ცომი 5 წუთის განმავლობაში. ✔ დაუმატეთ დარბილებული კარაქი და კარგად ამოურიეთ. გადააფარეთ ჯამს, სადაც ცომია მოთავსებული, პოლიეთილენის პარკი და 1 საათი გააჩერეთ. ✔ შემდეგ ცომი ისევ მოზილეთ, ისევ გადააფარეთ პარკი და შედგით მაცივარში 4 საათით. უკეთესი იქნება თუ მთელი ღამით დატოვებთ. ✔ როდესაც ცომს გამოიღებთ 30-40 წუთი აცადეთ რომ გათბეს. შემდეგ დაყავით ნაწილებად (ფუნთუშის ზომაზე) და ოთახის ტემპერატურაზე გააჩერეთ. ✔ ათქვიფეთ კვერცხის გული წყალთან ერთად და გადაუსვით ფუნთუშებს. აცხვეთ 180 გრადუსზე გაცხელებულ ღუმელში მანამ, სანამ ფუნთუშები არ გახდება ოქროსფერი. გემრიელად მიირთვით