ზუგდიდის მუნიციპალიტეტის გერბის შექმნაზე კონკურსი ხვალ, 23 სექტემბერს გამოცხადდება და ის 7 ოქტომბერს დასრულდება. საკრებულოს დეპუტატმა  მამუკა წოწერიამ  დღეს გამართულ სხდომაზე თქვა, რომ  გერბზე აუცილებლად უნდა იყოს გამოსახული ზღვა და რუხის ციხე. მისი  განცხადებით, გამარჯვებული პრემიის სახით 1 500 ლარს მიიღებს. „ჩვენ გვაქვს ორი პირობა - ზღვა და რუხის ციხე, დანარჩენი პრედენდენტის ფანტაზიასა და მის შემოქმედებაზეა დამოკიდებული. პროექტების მიღების შემდეგ, კომისია განიხილავს მას და მიიღებს შესაბამის გადაწყვეტილებას“ , -თქვა მამუკა წოწერიამ.