საქართველოს ახალგაზრდა იურისტთა ასოციაციამ ქალაქ ზუგდიდში არსებული სხვადასხვა პრობლემები ადგილობრივი ხელისუფლების და არასამთავრობო სექტორის წარმომადგენლებთან ერთად განიხილა. დემოკრატიული ჩართულობის ცენტრში გამართულ შეხვედრაზე, ძირითად პრობლემად მოუწესრიგებელი ინფრასტრუქტურა საბავშვო ბაღებში, გარეგანათება, შიდა გზების მოუწესრიგებლობა და ტროტუარებზე პანდუსების არ არსებობა დასახელდა. არასამთავრობოების განცხადებით, აღნიშნული პრობლემები ქალაქში დიდი ხანია არსებობს და ხელისუფლებას მათი დროული მოგვარებისკენ მოუწოდებენ. ადგილობრივი მთავრობის გეგმის მიხედვით კი აღნიშნული პრობლემები მოსაგვარებლად მომავალი წლიდან დაიწყება ახალი პროექტის განხორციელება. შეხვედრა NDI-ის დაფინასებული პროექტის - „ინფორმირებული მოქალაქეები საჯარო სამსახურში“ ფარგლებში გაიმართა.