„თავისუფალი დემოკრატების“ სენაკის რაიონული ორგანიზაციის თავმჯდომარემ პარტიის რიგები დატოვა. ბადრი კალანდარიშვილმა მიზეზად ალასანიას პარტიისა და „ნაციონალური მოძრაობის“ მიერ საკონსტიტუციო სასამართლოში სარჩელის ერთობლივად შეტანის ფაქტი და ის გარემოება დაასახელა, რომ ხვიჩა ჯიშკარიანის პარტიის რიგებში გაწევრიანების შესახებ მხოლოდ მედიიდან შეიტყო. მისი პერსონა უკვე ყოფილი თავმჯდომარისთვის მიუღებელია. კალანდარიშვილის განცხადებით, ის იმ პოლიტიკურ ძალას უერთდება, რომელმაც სააკაშვილის 9 - წლიანი მმართველობა დაასრულა. სენაკის საკრებულოში „თავისუფალი დემოკრატებიდან“ სულ ორი წევრი იყო წარმოდგენილი, თუმცა პარტიის რიგები დატოვა ზური აფაქციძემაც. შესაბამისად, საკრებულოში ალასანიას პარტიას ამჟამაად მხოლოდ ერთი წევრი - ხვიჩა ჯიშკარიანი წარმოადგენს.