რუბრიკები
ზუგდიდში ია ანთაძის წიგნის პრეზენტაცია გაიმართა (ვიდეო)
ზუგდიდში ჟურნალისტის და მედია ექსპერტის ია ანთაძის წიგნის პრეზენტაცია გაიმართა. წიგნის ავტორმა შეკრებილ საზოგადოებას განუცხადა, რომ წიგნში წლების განმავლობაში დაწერილი ანალიტიკური წერილები, საზოგადოებრივი და პოლიტიკური მოვლენების ანალიზია თავმოყრილი. „ მე წლებია ვაგროვებდი ამ წერილებს. მინდა, რომ ამ წიგნით ჩვენმა საზოგადოებამ ძალიან კრიტიკულად უყუროს ჟურნალისტებს. გაიაზროს ის პროცესები, რაც ჩვენს სამშობლოში ხდება. დაგვეხმაროს ჩვენ ჟურნალისტებს და ერთად შევქმნათ უკეთესი მომავალი ჩვენს ქვეყანაში“, - თქვა ია ანთაძემ. წიგნი „პირველად იყო - ლაქა“ გამომცემლობა „არტანუჯმა“ გამოსცა და მისი შეძენა ან წაკითხვა დღეიდან ზუგდიდის ცენტრალურ ბიბლიოთეკაშია შესაძლებელი.
Print