ზუგდიდში, რეგიონული განვითარების სამინისტროს ორგანიზებით, ადგილობრივი თვითმმართველობების წარმომადგენლებთან შეხვედრა გაიმართა. შეხვედრაზე 2015-2017 წლის რეგიონული განვითარების სტრატეგიის სამოქმედო გეგმაში ცვლილებების შეტანის შესახებ ისაუბრეს. შეხვედრის მონაწილეები სამოქმედო გეგმის სტრატეგიულ მიზნებს და ამოცანებს გაეცნენ. გარდა ამისა, გაიმართა  დისკუსია, სადაც ცვლილებების შეტანის  მიზანშეწონილობაზე, რეგიონის განვითარებისათვის საჭირო ახალ პრიორიტეტებსა და იდეებზე ისაუბრეს. რეგიონული განვითარების სამინისტრო, აღნიშნულ თემაზე საქართველოს რეგიონებში სამუშაო შეხვედრებს მართავს. ორგანიზატორების განცახდებით, სამოქმედო გეგმებში ცვლილებების შეტანის თაობაზე შეხვედრები ინფორმაციული ხასიათისაა და იგი რეგიონის განვითარების ხელშეწყობას ისახავს მიზნად.