ახალგაზრდა იურისტთა ასოციაციის ზუგდიდის ოფისმა ერთი წლის მუშაობის შედეგი წარადგინა. ერთწლიანი ანგარიში რეგიონის მასშტაბით, ორგანიზაციის სტრატეგიული მიმართულებით განხორციელებულ ღონისძიებებს ეხებოდა. არასამთავრობო ორგანიზაციის განმარტებით, მუშაობის პროცესში ძირითადი აქცენტი ოთხ მიმართულებაზე: ადამიანის უფლებების დაცვაზე, საზოგადოებაში სამართლებრივი ცნობიერების ამაღლებაზე, ეფექტიანი, ანგარიშვალდებული და გამჭვირვალე მმართველობის ხელშეწყობაზე და კვალიფიციურ იურიდიულ განათლებაზე გაკეთდა. ანგარიშის მიხედვით, საიამ  ერთი წლის განმავლობაში უფასო სამართლებრივი კონსულტაცია 1876 მოქალაქეს გაუწია. თითქმის ყველა საკანონმდებლო ცვლილებაზე  52 სემინარი ჩაატარა. ასევე სამეგრელოს მუნიციპალიტეტებში მშვიდობაინი აქციები,საინფორმაციო კამპანიები და  ორი ავტოტური მოაწყო. ნინო ხუხუას ინფორმაციით, განხორციელდა არა ერთი მნიშვნელოვანი პროექტი. ზუგდიდის ოფისში კი ფუნქციონირებდა საკვირაო სკოლა, რომელიც 17-მა მოსწავლემ წარმატებით დაასრულა. ორგანიზაციის თქმით, ისინი იგივე მიმართულებებით მომავალში აქტიურად გააგრძელებენ მუშაობას. ანგარიშის პრეზენტაციას სამოქალაქო საზოგადოებისა და  ადგილობრივი ხელისუფლების წარმომადგენლები დაესწრნენ.