„ბერი ანდრიას სახელობის ფონდის“ ინიციატივით, ზუგდიდში ფლეშმობი - „არა! კიბოს ბავშვებში“  - გაიმართა. თეატრალურ წარმოდგენაში ქორეოგრაფიული ანსამბლის „ჩელა“ მოცეკვავეებმა მიიღეს მონაწილეობა. ღონისძიება „სიცოცხლის ფესტივალის“ ფარგლებში გაიმართა და მისი მიზანია სიმსივნით დაავადებული ბავშვების დახმარება. ფესტივალი საქართველოს კულტურული მემკვიდრეობის დაცვის სააგენტოს მხარდაჭერით იმართება. „ბერი ანდრიას სახელობის ფონდი“  ხუთი წლის წინ დაარსდა და მისი მიზანია სოლიდური სიმსივნით დავადებული ბავშვებისა და მათი ოჯახების დახმარება და მხარდაჭერა. ფონდის ხელმძღვანელების ინფორმაციით, მათ დახმარება უკვე  200 ბავშვს გაუწიეს.