ინგრედიენტები: • 600 გ. კარტოფილი. • 300 მლ. რძე. • 100 მლ. ნაღები 48%-იანი. • ½ ჩ.კ. მუსკატის კაკალი. • 100 გ. ყველი (გრიუიერი). • 4 კბილი ნიორი. • მარილი და პილპილი გემოვნებით. მომზადების წესი: ✔ გათალეთ კარტოფილი და დაჭერით თხელ, მრგვალ ნაჭრებად (2-3 მმ.). გათლილი კარტოფილი არ გარეცხოთ, რადგან სახამებელი გამოვა და კერძი აღარ შესქელდება. ✔ საშუალო ცეცხლზე აადუღეთ რძე და ნაღები. როდესაც დუღილს დაიწყებს დაუმატეთ კარტოფილი. კარგად ამოურიეთ და შეკმაზეთ მუსკატის კაკალით (ფხვნილი), მარილითა და პილპილით. ✔ დაუწიეთ ცეცხლს და ხარშეთ 8-10 წუთი თან ურიეთ, რომ არ მიიკრას. შემდეგ დაუმატეთ გახეხილი ყველი, კარგად ამოურიეთ და გადმოდგით ცეცხლიდან. ✔ ამ ყველაფერს შეურიეთ გაჭყლეტილი ნიორი და მოათავსეთ ღრმა საცხობ ტაფაზე. შედგით 120 გრადუსზე გაცხელებულ ღუმელში 25 წუთით. ✔ იმისათვის, რომ გრატენი ზევიდან მობრაწოთ, შემოდგით ის ყველაზე მაღალ თაროზე, მაქსიმალურად აუწიეთ ტემპერატურას და ზუსტად ერთი წუთი გააჩერეთ. ☛ კერძი გათვლილია 4 ულუფაზე. გემრიელად მიირთვით