ზუგდიდში შეზღუდული შესაძლებლობების მქონე პირთა სამედიცინო და სოციალურ სერვისებზე ხელმისაწვდომობის გაუმჯობესების ხელშეწყობის მიზნით ტრენინგი ჩატარდა. სამეგრელო-ზემო სვანეთის რეგიონის სახელმწიფო სოციალურ მუშაკებს და ადგილობრივი მუნიციპალიტეტის პირველადი ჯანდაცვის რგოლის პროფესიონალებს სპეციალური ტრენინგი დემოკრატიული ჩართულობის ცენტრში ჩაუტარდათ. შეხვედრის მონაწილეები ჯანდაცვის სფეროში შშმ პირთა უფლებების და მათი დაცვის შესახებ გაეროს კონვენციის ძირითად პრინციპებს გაეცნენ, რომლებიც საქართველოში 2014 წლის აპრილში შევიდა ძალაში. ტრენინგის ორგანიზატორების თქმით, სწავლების შედეგად სოფლის ექიმებს, ექთნებს და სოციალურ მუშაკებს მეტი ინფორმაცია ექნებათ იმის შესახებ, თუ როგორ გააუმჯობესონ სამედიცინო და სოციალური მომსახურება სპეციალური საჭიროების მქონე პირთათვის.