ახალგაზრდა ფსიქოლოგთა და ექიმთა ასოციაციამ „ქსენონი“ ახალი პროექტის "ბედნიერების ტერიტორია“ გამართა. ასოციაციის ხელმძღვანელის ნინო ჯანაშიას თქმით, პროექტის მიზანია  ცხოვრების ჯანსაღი წესის დამკვიდრება და კულტურულ-შემოქმედებით საქმიანობაში ახალგაზრდების ჩართულობა. შეხვედრა  ზუგდიდის სამხატვრო გალერეაში ჩატარდა და მას სკოლის მოსწავლეები და ადგილობრივი თვითმმართველობის წარმომადგენლები ესწრებოდნენ. ასოციაცია „ქსენონი“ პროექტს ამერიკის საელჩოს ფინანსური მხარდაჭერით ახორციელებს.