ზუგდიდში ასოციაცია „ნეოგენის“ ორგანიზებით, ოჯახში ძალადობის წინააღმდეგ აქცია გაიმართა.  მასში ქალაქის  საჯარო სკოლების მოსწავლეები მონაწილეობდნენ. თაბუკაშვილის ქუჩაზე მდებარე დევნილთა ახალ დასახლებასთან ახალგაზრდებმა ფლეშმობი მოაწყვეს და ძალადობის ამსახველი ოჯახური სიტუაციები გაითამაშეს. „ნეოგენის“ აღმასრულებელი დირექტორის მაია კალანდიას თქმით, ოჯახში ძალადობა დანაშაულია და მსგავსი აქციების ჩატარება მნიშვნელოვანია, რათა აღნიშნულ პრობლემასთან დაკავშირებით საზოგადეობა უფრო მეტ ინფორმაციას ფლობდეს. იმიტირებულ წარმოდგენას დევნილები, არასამთავრობო სექტორის და დევნილთა სამმართველოს წარმომადგენლები ესწრებოდნენ.