ვიცე-პრემიერი პრზეიდენტის პარლამენტის თავმჯდომარესთან და პრემიერთან შეხვედრის აუცილებლობას ვერ ხედავს. კალაძემ  ეს განცხადება დღეს მარტვილში, მაჟორიტრობის კანდიდატის წარდგენის შემდეგ ჟურნალისტებთან საუბრისას გააკეთა. ვიცე-პრემიერი მიიჩნევს, რომ კონსტიტუციური წესრიგის დარღვევის და სამოქალაქო დაპირისპირების საფრთხე არ არსებობს და აქედან გამომდინარე არც აღნიშნული შეხვედრა წარმოადგენს აუცილებლობას. თუმცა, იქვე აღნიშნავს, რომ შეხვედებიან თუ არა მარგველაშვილს, ამის თაობაზე განცხადებას თავად უსუფაშვილი და ღარიბაშვილი გააკეთებენ. ქვეყანაში მიმდინარე პროცესებსა და მედიაში არსებულ ვითრებასთან დაკავშირებით პრეზიდენტმა გიორგი მარგველაშვილმა სასაუბროდ პრემიერ-მინისტრი და პარლამენტის თავმჯდომარე გუშინ მიიწვია, თუმცა მათგან პასუხი ამ დრომდე არ მიუღია.