სამოქალაქო მოძრაობა „სამეგრელოს ხმის“ ხელმძღვანელმა თენგიზ ჯგუშიამ, განთავისუფლების შემდეგ, დღეს პირველი პრესკონფერენცია გამართა. ჯგუშია აცხადებს, რომ მას გამგეობის თანამშრომლების მისამართით არ უსვრია და მხოლოდ თავდაცვის მიზნით ჰაერში გაისროლა. მისივე თქმით, მან ჰაერში გასროლით „ძალიან ბევრი ადამიანი გადაარჩინა სისხლისმღვრელ შეტაკებას“. „იცოდეთ, მე ისინი ძალიან მიყვარს და მზად ვარ სულიერად და შინაგანად შეუნდო თითოეულ მათგანს. გონს მოვიდნენ, ძალიან რთულ მდგომარეობაში აღმოჩნდებიან. ჩემთან ბრძოლა ადვილი არ არის და მითუმეტეს ისეთ სიტუაციაში როცა აბსოლუტურად მილიონი პროცენტი მართალი ვარ. მოუწევთ, როგორც მინიმუმ თანამდებობების დატოვება და მართლმსაჯულების წინაშე უმკაცრესი წარსდგომა“, - განაცხადა ბრიფინგზე თენგიზ ჯგუშიამ. მისივე განმარტებით, გამგეობის თანამშრომლებმა მის მიმართ აგრესია იმიტომ გამოავლნეს, რომ ის ადგილობრივ ხელისუფლებას გამუდმებით აკრიტიკებს. აღნიშნულ საკითხთან დაკავშირებით ზუგდიდის მუნიციპალიტეტის გამგეობაში მედიასთან კომენტარს არ აკეთებენ.