აშშ-ს ელჩი რიჩარდ ნორლანდი ზუგდიდში, დემოკრატიული ჩართულობის ოფისში, არასაპარლამენტო ოპოზიციის წარმომადგენლებს დახურულ კარს მიღმა შეხვდა. შეხვედრის დასრულების შემდეგ, როგორც რადიო „ათინათს“ოპოზიციური პარტიის წარმომადგენლებმა განუმარტეს, შეხვედრაზე ძირითადად საუბარი იყო წინასაარჩევნო პროცესებზე, კოჰასბიტაციაზე და ზუგდიდის საოლქო კომისიის მუშაობაზე. „ელჩთან შეხვედრს დროს ავღნიშნე, რომ ამ ეტაპზე წინასაარჩევნო პროცესი ნორმალურად მიმდინარეობს. ასევე საუბარი იყო მიხეილ სააკაშვილის წავლის პროცესებზე და მის საქმიანობაზე. ბატონმა ელჩმა სააკაშვილთან მიმართებაში გამოყო ის მომენტი, რომ მან საქართველოს სახელი გაიტანა ქვეყნის გარეთ“,  - ამბობს ნინო ბურჯანაძის საარჩევნო შტაბის ხელმრვანელი ზამირა ღადუა. ედპ-ს ზუგდიდის კომიტეტის ხელმძღვანელის მამუკა მაქაცარიას თქმით, აშშ-ს ელჩი ძალიან არის დაინტრესებული თუ როგორ მიმდინარეობს ზუგდიდში წინასაარჩევნო პროცესი. მისივე თქმით, მათ აშშ-ს ელჩი დაჰპირდა, რომ საპრეზიდენტო არჩევნების მეორე დღეს ის ზუგდიდში  ჩამოვა. „ელჩმა განაცხადა, რომ მისთვის ძალიან დიდი მნიშვნელობა აქვს ზუგდიდში დაფიქსირებულ არჩევნების შედეგებს“, - ამბობს მამუკა მაქაცარია. ქრისტიან-დემოკრატიული მოძრაობის ზუგდიდის ოფისის ხელმძღვანელის კახაბერ სარიას თქმით, აშშ-ს ელჩთან საუბარში მათ, საპრეზიდენტო არჩევნებთან დაკავშირებით, თავიანთი პოზიცია დააფიქსირეს. „ჩვენ ელჩთან საუბარში გამოვთქვით წუხილი, რომ საარჩევნო კომისიებში დაკომპლექტება არ ხდება სხვა პარტიებით გარდა „ქარტული ოცნებისა“ და ნაციონალური მოძრაობისა“, რაც ჩვენი აზრით დააკნინებს არჩევბნების დემოკრატიულობას. თავად ელჩმაც ამაზე წუხილი გამოთქვა“, - უთხრა რადიო „ათინათს“ კახაბერ სარიამ. ამასთან, აშშ-ს ელჩს რიჩარდ ნორლანდი დღეს  ყოფილი მმართველი პარტიის ზუგდიდის ოფისის ხელმძღვანელებსაც შეხვდება და პირადად მოისმენს მათ პრობლემებს.