რუსეთმა ჯაშუშობაში ბრალდებული სამი ქართველი მზვერავი გაათავისუფლა. დღეს გამართულ ტრადიციულ პრესკონფერენციაზე საგარეო საქმეთა მინისტრის პირველმა მოადგილე დავით ზალკალიანი რუსული მედიით გავრცელებულ ინფორმაციას გამოეხმაურა, რომლის თანახმადაც, ქართველი მზვერავი აბაშიძე-კარასინის შეხვედრის შემდეგ გაათავისუფლეს. „ჩემი ინფორმაციით, სამი ადამიანია გათავისუფლებული. ეს აბაშიძე-კარასინის შეხვედრის შემდეგ დადასტურდა. მათი ვინაობა ჩემთვის ცნობილია, მაგრამ ოჯახების ინტერესებიდან გამომდინარე, მათი დასახელებისაგან თავს შევიკავებ. მაგრამ ეს პროცესი რომ დასრულებულია, ჩემთვის ცნობილია“, _ განაცხადა დავით ზალკალიანმა. მისივე განმარტებით, აბაშიძე-კარასინის ბოლო შეხვედრის შემდეგ ერთი ქართველი მზვერავი გაათავისუფლეს, მანამდე კი უკვე ორი იყო გათავისუფლებული.