დონეცკის ოლქის ქალაქ არტემოვსკში უკრაინელ სამხედროებსა და შეიარაღებულ ექსტრემისტებს შორის შეტაკება მოხდა. გავრცელებული ინფორმაციით, უკრაინელმა სამხედროებმა შეიარაღებული ექსტრემისტების თავდასხმა მოიგერიეს, რომლებიც წუხელ, გვიან ღამით, იარაღის საწყობს თავს დაესხნენ. უკრაინის სამხედრო-პოლიტიკური კვლევების ცენტრის ხელმძღვანელის დიმიტრი ტიმჩუკის ინფორმაციით, იარაღის საწყობზე შეტევა რამდენიმე ათეულმა  ექსტრემისტმა მიიტანა, რომლებიც ავტომატებითა და ყუმბარმტყორცნებით იყვნენ შეიარაღებული. ამასთან, ტიმჩუკის ცნობით, შეტაკების შედეგად რამდენიმე ადამიანია დაჭრილი.   http://www.unian.net/