საქართველოს მთავარი პროკურატურის ცნობით, სახელმწიფო დაცვის სპეციალური სამსახურის მიერ გაწეული ხარჯებისთვის, რომელსაც გრიფი საიდუმლო ედო, ბრალი წარედგინა ყოფილ პრეზიდენტ მიხეილ სააკაშვილს და სდსს-ს ყოფილ ხელმძღვანელს თემურ ჯანაშიას. პროკურატურის ცნობით, აღნიშნული პირების მიერ გაფლანგული იქნა საბიუჯეტო სახსრები, 8 მილიონზე მეტი რაოდენობის თანხა. საქმეზე გამოძიება მიმდინარეობს სისხლის სამართლის კოდექსის 182-ე მუხლის მესამე ნაწილით, რაც 7-დან 11 წლამდე ვადით თავისუფლების აღკვეთას ითვალისწინებს.