ევროპის საბჭოს საპარლამენტო ასამბლეამ მიიღო რეზოლუცია, რომელშიც წევრ ქვეყნებს "სავჩენკოს სიის" შემოღებისკენ მოუწოდებს. დოკუმენტში ნათქვამია, რომ წერტილოვანი სანქციები უნდა შეეხოს იმ პირებს, ვინც უკრაინელი მფრინავის უკანონო დაკავება - დაპატიმრებაში მონაწილეობდა და ძალაში მის გათავისუფლებამდე დარჩეს. ასამბლეამ მხარი დაუჭირა ლიტვის მიერ დამტკიცებულ "სავჩენკოს სიას" , რომელშიც 46 ადამიანი შევიდა.

რუსული მედიის ინფრომაციით, პუტინსა და პოროშენკოს შორის შემდგარი სატელეფონო საუბრის შემდეგ უკრაინაში სჯერათ, რომ ნადეჟდა სავჩენკოს ქვეყანაში დაბრუნება, უკვე არა ვაჭრობის საგანი, არამედ - პროცედურის საკითხია. ბოლო დროს ვრცელდება ინფორმაცია, რომ, შესაძლებელია, სავჩენკო უკრაინაში დაკავებულ რუსეთის მოქალაქეებზე ევგენი ეროფეევსა და ალექსანდრ ალექსანდროვზე გაცვალონ.