,,წიგნი, ფაქტობრივად, ძალიან დიდი ხანია მწიფდებოდა, მას შემდეგ, რაც ჩვენ გადმოვედით საცხოვრებლად მარტვილში და ჩავერთეთ აქტიურად მეღვინეობა - მევენახეობაში. პერიოდულად მე ვაგრძელებდი ჩემს ძველ საქმიანობას, ღვინის ჟურნალისტიკას და სხვადასხვა ონლაინ თუ ნაბეჭდ გამოცემაში ვაქვეყნებდი პუბლიკაციებს, ესეებს, სტატიებს საქართველოს მემღვინეობა - მევენახეობის, ჩემი პირადი გამოცდილების შესახებ და ეს სტატიები იმდენად ბევრი დაგროვდა, საბოლოოდ გადავწყვიტეთ, რომ წიგნად გამოგვეცა", - გვიყვება რადიო ,,ათინათის’’ ეთერში საოჯახო მარან ,,ოდას’’ დამფუძნებელი ქეთო ნინიძე.

,,აპოკრიფული სადღეგრძელოები“ მისი ავტორობით გამოცემული მესამე წიგნია.

მასში თავმოყრილია როგორც სხვადასხვა დროს გამოქვეყნებული ჟურნალისტური ნარკვევები პოსტსაბჭოთა საქართველოს მევენახეობა-მეღვინეობის კულტურაზე, ასევე მანამდე გამოუქვეყნებელი ესეები.