ქალაქ ზუგდიდში მოქმედი მულტიპროფილური დიაგნოსტიკური ცენტრი ჯან-მედი ერთი წლის გახდა.
ცენტრი ულტრათანამედროვე სამედიცინო აპარატურითაა აღჭურვილი.

ჯან-მედის“ ხელმძღვანელის ლელა ქაჯაიას თქმით, ცენტრი გეგმავს წამყვანი სპეციალისტების ჩამოყვანას უცხოეთიდანაც. „იყო ბევრი გამოწვევა, იყო სოციალური, საერთაშორისო პროექტები, ბევრი მადლიერი პაციენტი, რა თქმა უნდა და ორი მნიშვნელოვანი ორგანიზაცია ჩვენთან შემოვიდა, ეს არის არდის დაზღვევა და ზუგდიდის ჯანდაცვის გაერთიანება. თბილისის წამყვანი კლინიკებიდან თითქმის ყოველ შაბათ-კვირას გვყავს სტუმრები, ბევრი სპეციალობის ექიმები. იგეგმება ლაბორატორიების გაფართოება, რადიოლოგიური კვლევების გაფართოება და წამყვანი სპეციალისტების ისევ ჩამოყვანა”, - აღნიშნა ცენტრის დირექტორმა.

ღონისძიების ფარგლებში, სტუმრებს ასევე მიაწოდეს ინფორმაცია სერვისებისა და მომავალში განსახორციელებელი აქტივობების შესახებ.

„მე ამ კლინიკაში გახლავართ მოწვეული სპეციალისტი ნეიროქირურგი, რაც 21-ე საუკუნის პრობლემა არის. მაღალ დონეზე არის დაორგანიზებული ჩვენი სპეციალისტების ჩამოსვლა, დახმარება და რეკომენდაციები პაციენტისთვის, რასაც ნამდვილად საჭიროებს ეს რეგიონი. სამომავლოდ იგეგმება რადიოლოგიური სამსახურის განვითარება. კერძოდ, რეგიონს არ გააჩნია ამ ეტაპზე მაგნიტურ- რეზონანსული ტომოგრაფია და ჩვენ დიდი სურვილი გვაქვს უცხოური კოლეგების დახმარებით, სპონსორების დახმარებით ეს კუთხე განვავითაროთ,“- აღნიშნა მოწვეულმა ნეიროქირურგმა ივანე ავაზაშვილმა.

ცენტრი ყოველდღე 10:00 დან 18:00 - მდე მუშაობს.

ჯან-მედის მისამართია - ქ.ზუგდიდი, გამარჯვების ქ. #32