სამეგრელო-ზემო სვანეთის მხარეში სახელმწიფო რწმუნებულის - გუბერნატორის ადმინისტრაცია ლუკა დავიანტის დასახმარებლად გამართულ საქველმოქმედო აქციას შეუერთდა. სამხარეო ადმინისტარციის ცნობით, გუბერნატორ ლევან შონიას და ვიცე-გუბერნატორ კობა ქანთარიას ჩართულობითა და შუამდგომლობით, სხვადასხვა კომპანიებმა ანგარიშზე 6 ათასი ლარი ჩარიცხეს. საქველმოქმედო აქცია-კონცერტი დავიანტის მშობლიურ დაბა ჯვარის სტადიონზე გაიმართა. ლუკა დავიანტს, რომელიც ჟურნალისტიკის ფაკულტეტის მეორე კურსის სტუდენტია, საქართველოში ურთულესი ოპერაცია ჩაუტარდა, ამჟამად კი საზღვარგარეთ სასწრაფო-გადაუდებელი მკურნალობა ესაჭიროება.