ანდრია დადიანის ძეგლი საჭადრაკო პარკში ქალაქის მერმა ირაკლი გოგოხიამ და ვიცე-გუბერნატორმა კობა ქანთარიამ, იაკობ გოგებაშვილის ბიუსტი კი ქალაქის მერმა და ზუგდიდის საკრებულოს თავმჯდომარემ მერაბ ქვარაიამ გახსნეს.

ღონისძიებაზე ამ ორი მნიშვნელოვანი ადამიანის ბიოგრაფიიდან ნაწყვეტები გაიხსენეს, მათ ღვაწლსა და დამსახურებაზე ისაუბრეს.

"ვიხელმძღვანელეთ იმ ფოტო-მასალით, რაც ინტერნეტში მოიპოვებოდა, ძირითადად გამოყენებულია მათი ახალგაზრდობის პერიოდის ამსახველი ფოტოები", - განაცხადა ძეგლის ავტორმა ჯუმბერ ჯიქიამ.