გეგმიური პროფილაქტიკური სამუშაოების გამო, დღეს სამეგრელოს რეგიონის აბონენტების ნაწილს ელექტროენერგიის მიწოდება დროებით შეეზღუდება.

"ენერგო-პრო ჯორჯიას" ადმინისტრაციის ცნობით, 11:00 საათიდან 18:00 საათამდე გამოირთვება სენაკის, ზუგდიდის, აბაშის, ხობისა და მარტვილის სხვადასხვა ქვესადგურები, რის გამოც ელექტროენერგიის გარეშე დროებით 15 600-ზე მეტ აბონენტი დარჩება.

ამავე ინფორმაციით, მოსახლეობას დენის მიწოდება სამუშაოების დასრულებისთანავე აღუდგებათ.