ხურჩა-ნაბაკევის სასაზღვრო გამშვები პუნქტი ამ დროისთვის ჩაკეტილია. ტერიტორიაზე სამართალდამცველები არიან მობილიზებულები და დღეს მომხდარი მკვლელობის დეტალებს იკვლევენ.

მკვლელობა ხურჩა-ნაბაკევის საგუშაგოსთან დაახლოებით 14.30-საათზე მოხდა. თვითმხილველების თქმით, ზუგდიდიდან გადასული ახალგაზრდა მამაკაცი დე ფაქტო აფხაზეთის საბაჟოს თანამშრომელმა მოკლა.

სოფლის ადგილობრივი მკვიდრის ინფორმაციით, ახალგაზრდა მამაკაცს გალის რაიონში ახლობლის ქელეხისთვის პროდუქტი მიჰქონდა, - „როგორც ჩანს, შელაპარაკება მოუვიდათ. ხიდის თავთან წაიჩხუბნენ და მებაჟემ მას ზურგში რამდენჯერმე ესროლა“.

მოკლული ახალგაზრდის ცხედარი ქუთაისში ექსპერტიზაზე გადაასვენეს.