დე ფაქტო აფხაზეთის  პრეზიდენტის ადმინისტრაციის უფროსის მოადგილედ ადგურ ლუშბა დაინიშნა. შესაბამის განკარგულებას რაულ ხაჯიმბამ მოაწერა ხელი.
მანამდე, აღნიშნულ პოსტს ასტამურ აპბა იკავებდა, რომელიც 4 მაისს გაათავისუფლეს.
ადგურ ლუშბა 1999 - 2002 წლებში დე ფაქტო აფხაზეთის ეკონომიკის მინისტრი იყო.
მომდევნო წლებში, ამავე სამინისტროში სხვადასხვა პოზიციებს, ხოლო 2007 წლიდან სავაჭრო-სამრეწველო პალატის ვიცე-პრეზიდენტის პოსტს იკავებდა.
ის აფხაზეთის ომის მონაწილეა.