Democracy Outreach/Alumni Grants Program-ის ფარგლებში ამერიკის საელჩოს
დაფინანსებით „ათინათში“ საზაფხულო სკოლის პირველმა ნაკადმა დღეს დაასრულა მუშაობა.

10-დან 13 წლამდე, 26 ბავშვი 2 კვირის განმავლობაში ახალგაზრდა ტრენერებთან ერთად განიხილავდნენ ისეთ საკითხებს, როგორიცაა: ფინანსური განათლება, საბაზო ბიზნეს და სამეწარმეო უნარები, ადამიანის უფლებები და მოვალეობები, აქტიური მოქალაქეობა, დემოკრატია და მოხალისეობა.

საზაფხულო სკოლის მიზანია, ბავშვებში სამეწარმეო უნარ-ჩვევების განვითარება და მათში მოქალაქეობრივი პასუხისმგებლობის გაღვივება.

„ათინათში“ საზაფხულო სკოლის მეორე ნაკადი 11 ივლისს განაახლებს მუშაობას და კიდევ 30-მდე მოზარდს გაუხალისებს ზაფხულის ცხელ დღეებს.